Lab Pe Aati Hai Dua by Muahammad Allama Iqbal
Written by : Allam Muhammad Iqbal
Written in : 1902
Dua Verses : 06
بچے کی دعا
(ماخوذ)
لب پہ آتی ہے دُعا بن کے تمنّا میری
زندگی شمع کی صورت ہو خدایا میری
مطلب: خدائے عزوجل کی بارگاہ میں بچہ دعا کرتا ہے کہ میرے لبوں پر یہ دعا آرزو بن کر مچل رہی ہے کہ میری زندگی شمع کی مانند ہو ۔
دُور دنیا کا مرے دم سے اندھیرا ہو جائے
ہر جگہ میرے چمکنے سے اُجالا ہو جائے
مطلب: شمع جو گھور اندھیرے کو منور کر دیتی ہے لیکن خود جلتی رہتی ہے ۔ دنیا میں جہالت کی جو تاریکی چھائی ہے، بار الہٰ وہ میرے علم کی بدولت دور ہو جائے ۔
ہو مرے دم سے یونہی میرے وطن کی زینت
جس طرح پھول سے ہوتی ہے چمن کی زینت
مطلب: جس طرح پھول چمن کی زیبائش اور زینت کا سبب ہوتا ہے اسی طرح میری ذات میرے وطن کی زیبائش کا سبب بن جائے ۔
زندگی ہو مری پروانے کی صورت یارب
علم کی شمع سے ہو مجھ کو محبت یارب
مطلب: خداوندا! جس طرح پروانہ شمع پر نثار ہو کر زندہَ جاوید ہو جاتا ہے اسی طرح مجھ کو بھی صلاحیت عطا کر کہ اپنی جدوجہد اور قربانی سے وطن کو سنوار سکوں ۔
ہو مرا کام غریبوں کی حمایت کرنا
دردمندوں سے، ضعیفوں سے محبت کرنا
مطلب: میری ذمہ داری یہ ہے کہ ہر شخص سے محبت کروں ، غریبوں ، کمزوروں اور ضرورت مندوں کے کام آوَں ۔
مرے اللہ! بُرائی سے بچانا مجھ کو
نیک جو راہ ہو، اس رہ پہ چلانا مجھ کو
مطلب: میرے مولا مجھے ہر طرح کی برائی سے بچا کر نیکی کے راستے پر چلنے کی توفیق عطا کر
Lab Pe Aati Hai Dua Lyrics in Roman Urdu
Verse :1 Lab pe aati hai dua ban k tamana meri Zindagi shamma ki surat ho Khuda ya mari Verse: 2 Dur dunya ka maray dam say andheera ho jaye Har jagah meray chamaknay say ujala ho jaye Verse: 3 Ho maray dam say younhi meray watan ke zeenat Jis tarah phool say hoti hai chaman ki zenat Verse: 4 Zindgi ho maray parwanay ke surat ya Rab Ilm ki shama sa ho mujko muhabat ya Rab Verse: 5 Ho mara kaam ghareeboon ke himayat karna Dard mandon se say zaieefoon sa muhabbat karna Verse: 6 Maray Allah burai sa bachna mujh ko Naik jo rah ho us pay chalana mujh ko